“Texnika va IT texnologiyalar olami” yo‘nalishi finalistlari aniqlandi!

Ilm-fan va innovatsiyalar yo‘nalishida o‘z g‘oyalari bilan ajralib chiqqan 10 nafar yosh olim “Evrika” tanlovi finaliga yo‘llanma oldi. Ular orasida Qarshi davlat universiteti Nazariy va eksperimental fizika kafedrasi mudiri Normurodov Dilshod Abdurazoqovich ham bor. Yosh olimimizni ushbu muvaffaqiyat bilan tabriklaymiz!  “Evrika” mukofoti — 18-40 yoshdagi yosh olim va mutaxassislarning fan, innovatsiya hamda jamiyat taraqqiyotiga qo‘shgan hissasini e’tirof etish maqsadida tashkil etilgan nufuzli tanlovdir. Final bosqichida ishtirokchilar o‘z loyihalarini taqdim etib, g‘oliblik uchun bellashadilar. Tanlov g‘oliblari BHMning 30, 20 va 10 baravari miqdorida pul mukofotlari, statuetka va sertifikatlar bilan taqdirlanadi.