
Ilmiy ishlanmalar ko‘rgazmasi va startaplar festivali
30-Avgust 2025, 08:01
Universitet yangiliklari
Qarshi davlat universitetida “InnoWeek-2025 – innovatsion g‘oyalar xalqaro haftaligi" doirasida “Ilmiy ishlanmalar ko‘rgazmasi va startaplar festivali” bo‘lib o‘tdi. Unda universitet professor-o‘qituvchilari, yosh tadqiqotchilar hamda iqtidorli talabalarning qariyb 40 ga yaqin loyiha va ilmiy ishlanmalari namoyish etildi. Tadbir doirasida ilmiy ishlanmalarni yanada rivojlantirish maqsadida tadbirkorlar va investorlar bilan hamkorlik shartnomalari imzolandi. Shuningdek, talabalar o‘z startap loyihalarini venchur fondlar vakillariga taqdim etishdi. Natijada moliyalashtirishga tayyor loyihalar saralab olinib, akselerator dasturlariga yo‘naltirildi.