ҚарДУ спортчиси Замира Равшановадан Соҳил курашида ёрқин ғалаба
Сурхондарё вилояти Термиз туманида давом этаётган Соҳил кураши бўйича катталар ўртасидаги Ўзбекистон чемпионатининг иккинчи кунги баҳсларида университетимиз спортчилари юқори натижаларни қайд этмоқда. Мусобақанинг бугунги беллашувларида эркаклар ўртасида -73 кг, -81 кг, -90 кг, аёллар ўртасида эса -63 кг, -70 кг, -78 кг вазн тоифаларида жами 100 дан ортиқ спортчи куч синашмоқда. Қувонарлиси, аёллар ўртасидаги -78 кг вазн тоифасида Қарши давлат университети Спорт факультети, кураш таълим йўналиши 1-босқич талабаси Замира Равшанова барча рақибаларини ишончли тарзда мағлуб этиб, Ўзбекистон чемпиони унвонини қўлга киритди. Замира Равшановани ушбу юксак натижа билан самимий табриклаймиз! Маълумот ўрнида, мусобақанинг дастлабки кунида Спорт факультетининг яна бир талабаси Зафар Пўлатов -66 кг вазн тоифасида баҳс олиб бориб, кумуш медаль соҳиби бўлган эди. ҚарДУ спортчилари муваффақиятлари давомли бўлишига тилакдошмиз!