“Коррупцияни эмас, билимни танла!” видеоролик танлови ғолиблари аниқланди

29 Ноябрь 2025, 07:48
Университет янгиликлари

Қарши давлат университетида талаба-ёшларда коррупцияга қарши муросасиз муносабатни шакллантириш, уларнинг ҳуқуқий онги ва маданиятини ошириш мақсадида “9-декабрь – Халқаро коррупцияга қарши курашиш куни” доирасида Аксилкоррупция ойлиги тадбирлари ўтказилмоқда. Мазкур доира тадбирлари давомида факультетлар кесимида “Коррупцияни эмас, билимни танла!” мавзусида “Энг яхши видеоролик” номинацияси бўйича танловнинг университет босқичи якунланди. Ғолиб ва совриндорлар қуйидагича тақдирланди:

1-ўрин – Педагогика факультети, Психология йўналиши, 4-босқич талабаси Йўлдошева Фотима Орол қизи – 1 600 000 сўм;

2-ўрин – Хорижий тиллар факультети, Филология ва тилларни ўқитиш (француз тили) йўналиши, 3-босқич талабаси Йўлдошева Сарвара Қудрат қизи – 1 300 000 сўм;

3-ўрин – Тиббиёт факультети, Даволаш иши йўналиши, 2-босқич талабаси Тиллоев Шахбоз Шукуруллаевич – 1 000 000 сўм.

Ғолибларга дипломлар топширилди, танловда фаол иштирок этган талабаларга эса ташаккурномалар тақдим этилди.